زاهـد مـلـڪ
زاهد ملڪ
زاهـد مـلـڪ: شـاعـر، ڊرامـا نويس ۽ صحافي زاهد ملڪ جو اصل نالو محمد اسماعيل ولد مير محمد ملڪ آهي. هن 22 سيپٽمبر 1961ع تي دادو ضلعي جي ڳوٺ فيض محمد ملڪ ۾ جنم ورتو. ابتدائي تعليم ڳوٺ مان حاصل ڪيائين. مئٽرڪ گورنمينٽ هاءِ اسڪول ڦلجي اسٽيشن مان ڪيائين، جڏهن ته انٽر ڊگري ڪـالـيـج دادو مـان ۽ ايــم. اي
(ماس ڪميونيڪيشن) سنڌ يونيورسٽيءَ ڄامشوري مان 1988ع ۾ پاس ڪيائين. زاهد ملڪ 1973ع کان ڪهاڻيون لکڻ شروع ڪيون، هي جڏهن ستين ڪلاس ۾ پڙهندو هو، ته ’گلن جهڙا ٻارڙا‘ تنظيم جو عهديدار به رهيو. ان وقت کان وٺي سندس ٻارن جون آکاڻيون، ڪهاڻيون ۽ افسانا اخبارن ۽ رسالن ۾ شايع ٿيندا رهيا. هن شاعريءَ جي شروعات 1976ع کان استاد بخاريءَ جي رهنمائيءَ هيٺ ڪئي.زاهد ملڪ 1979ع کان اسٽيج ڊرامن ۾ ڪم ڪيو ۽ سنڌ جي مختلف شهرن ۾ ٿيل ڊرامن ۾ حصو ورتو، 1981ع ڌاري حيدرآباد ريڊيو تي صداڪاري به ڪيائين. ريڊيو خيرپور تان ڊرامن، فيچرن ۽ گيتن ڀرين ڪهاڻين ۾ صداڪاري ڪري پاڻ مڃرايائين. ريڊيو لاءِ ڪيترا ڊراما لکيائين، جن مان وڌيڪ مقبوليت ’پلاند‘ ڊرامي حاصل ڪئي، جنهن ۾ سـيـد صالح محمد شاهه، جيجي زرينا بلوچ، سيما پنهور، سيما مرزا، يعقوب ذڪريا ۽ ٻين اهم ڪردار ادا ڪيا.
زاهد ملڪ ’ايم.آر.ڊي‘ تحريڪ تي هڪ تحقيقي ڪتاب لکيو آهي، جـڏهـن ته ڪـجـهه ڊاڪيومينٽري فلمن جا اسڪرپٽ به لکيا اٿس. هن ماس ڪميونيڪيشن ۾ ماسٽرس ڪرڻ کانپوءِ باقاعدي صحافت جي شروعات، مارچ 1989ع ۾ روزاني ’خادم وطن‘ اخبار کان ڪئي. هي ڪيترين اخبارن ۾ سب ايڊيٽر، نيوز ايڊيٽر ۽ ايڊيٽر طور ڪم ڪندو رهيو آهي، سندس سوين مضمون، مختلف اخبارن ۾ شايع ٿيل آهن. کيس مختلف شعبن ۾ ڪيترا اوارڊ ۽ مڃتا سرٽيفڪيٽ ملي چڪا آهن. هن وقت روزاني ’شام‘ حيدرآباد ۾ نيوز ايڊيٽر طور صحافتي ذميواريون نڀائي رهيو آهي.
لفظ زاهد ملڪھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1961.09.22 عيسوي
شـاعـر، ڊرامـا نويس ۽ صحافي زاهد ملڪ جو اصل نالو محمد اسماعيل ولد مير محمد ملڪ آهي. هن 22 سيپٽمبر 1961ع تي دادو ضلعي جي ڳوٺ فيض محمد ملڪ ۾ جنم ورتو.
صحافي - ڀاڱي جون ٻِيون داخلائون
صديقي الهورايو طارقشيرين زئور
جاويد ڀٽي
سرفراز وسطڙو
حميد نظامي
برڪاتي مسعود احمد
لائق سنڌي ٿيٻو
در محمد ڪمال
خاصخيلي جان
زاهد ملڪ